Unimycin at Rexidol: Mag-asawang Gamot para sa Trangkaso

Ang mag-asawang gamot sa trangkaso ay popular na noong 70's. Ito ang tambalang Unimycin at Rexidol, parehong produkto ng Unilab or United laboratories. Habang ang Rexidol ay nasa merkado pa bilang Rexidol Forte (paracetamol + caffeine), ang Unimycin ay wala na. Huli itong napasama sa Philippine essential drug list noong taong 2007.

Philippine Essential Drug List

Ang generic or chemical name ng Rexidol noon ay paracetamol pa without the caffeine. Ang paracetamol bilang analgesic ay isang mild pain reliever. Para ito sa karaniwang sakit ng ulo, katawan, migraine, backache atbp. Isa rin itong antipyretic, kaya lunas din ito para sa lagnat.

Tetracycline ang generic name ng Unimycin. Isa itong broad spectrum antibiotic na mas ginagamit sa skin infections katulad ng acne at ginagamit din as a combination drug sa malaria.

Bakit hindi na pwedeng bilhin sa botika?

Walang problema sa paracetamol dahil ito ay isang otc medicine. 

Pero ang tetracycline bilang isang antibiotic or antibacterial ay prescription medicine at ang mga Rx medicine partikular ang mga antibiotic ay mahigpit na ipinagbabawal ng FDA na ipagbili ng walang reseta ng doctor. 

Pamalit sa mag-asawang gamot

May mga otc meds na pwedeng bilhin base sa mga symptoms ng trangkaso:

• Para sa lagnat (paracetamol) 1 tab kada 4 na oras, kung wala na ang lagnat; itigil na ang pag-inom nito.

• Para sa sakit ng katawan (low dose ibuprofen, mefenamic, combination ng paracetamol at ibuprofen) 1 tab 3 beses maghapon, kung hindi na masakit ang katawan; itigil na ito.

• Para sa sipon (commercial decongestant or antihistamines) pa-advice sa pharmacist or read the label for the instructions.*May mga cold remedies na nakaka-trigger ng asthma.

• Para sa ubo (commercial cough formulas) pa-advice sa pharmacist or read the label for the instructions. *May mga cough remedies din na nakaka-trigger ng asthma.

• Para sa pananakit ng lalamunan (lozenges) pa-advice sa pharmacist or read the label for the instructions.

Pwedeng mag-take ng vitamins particular ‘yung may  vitamin C at zinc, palalakasin nito ang immune system. Ang mga prutas katulad ng mansanas, papaya at saging ay makakapagpalakas din ng resistensya. 

Hindi ginagamot ng antibiotics ang flu or trangkaso dahil ito po ay sanhi ng virus. 

Ito ay kusang gumagaling pero para may mga taong mahina ang resistensya o katawan. Posibleng lumala ang kumplikasyon para sa kanila. Kaya dapat na magpa-check up na lang sa doctor kung nahirapan na sa sakit.

Finally

Naiitambal din sa amoxicillin ang paracetamol bilang mag-asawang gamot. Mabuti na lang naghigpit na talaga ang FDA sa isyung ito. Para sa inyong kalusugan, mas makabubuting itanim sa isipan na ang antibiotic ay hindi laging solusyon sa karamdaman.

Stay healthy and stay safe!

Prescription and OTC Medicines

Ano po ba ang mga Prescription Medicines?

Eto po 'yung mga gamot na kailangan ng reseta ng doctor.

Karaniwan po dito ay mga antibiotics, maintenance medicines katulad po ng mga pang-high blood o sa mga pang-antidiabetics, mga pang-cholesterol, mga matataas na klase ng mga pain-relievers, mga steroids etc.

Eto po yung mga gamot na may nakasulat na Rx sa label, box or container.

Ano po ba ang Rx symbol na ‘yan?

Ano po ang OTC medicines?

This means over-the-counter medicines.

 

Halimbawa po nito ay ang paracetamol, mga vitamins, mga cough and colds medicine, low-dose pain-relievers etc.

At dahil wala po silang reseta na may instructions ng doctor, ang information po sa tamang paggamit ay mababasa ninyo sa label at box. Ang proper dosing regimen kung ilang beses po siya tine-take at kung gaano kataas ang dosis, depende sa edad. Ang warnings at precautions po ay nasa label din. So, kung bibili pi kayo ng OTC medicines, you should pay attention to the label or container.

Or, you can ask the pharmacy assistant or the pharmacist about your OTC medicine kung mayroong hindi clear sa inyo.

Stay healthy and stay safe!